शुभकामना आदान प्रदान कार्यक्रम सम्पन्न !
सिद्धबाबा माध्यमिक विद्यालय , तम्घास गुल्मीले आज एक कार्यक्रमको आयोजना गरी दशमी -२०७८ को अवसरमा शुभकामना आदान प्रदान कार्यक्रम सम्पन्न गरेको छ ।
विद्यालय व्यवस्थापन समितिका अध्यक्ष तिलबहादुर थापाको अध्यक्षता तथा शिक्षा विकास तथा समन्वय इकाइ, गुल्मीका प्रमुख लोकनाथ मरासिनीको प्रमुख आतिथ्यतामा उक्त कार्यक्रम सम्पन्न भएको हो ।
विद्यालयका संस्थापक सदस्यहरु, सल्लाहकारहरु, मानार्थ सदस्यहरु , विशिष्ट सदस्यहरु , विद्यालय व्यवस्थापन समिति ,शिक्षक अभिभावक संघ लगायतका समिति तथा उपसमितिका पदाधिकारीहरु, अभिभावक, विद्यार्थी, शिक्षक तथा कर्मचारीवर्ग साथै शिक्षाप्रेमी, समाजसेवी र बुद्धिजीवीहरुको उपस्थिति रहेको उक्त कार्यक्रमको सहजीकरण सहायक प्रधानाध्यापक युवराज अर्यालले गर्नु भएको थियो ।
News Images:
